522/2025-2026

Aizawl dated 9th May, 2025: International Nurses Week (6th to 12th May 2025) pualin College of Nursing, Regional Institute of Paramedical and Nursing Sciences, Zemabawk leh Millenium Center Development Authority tangkawp chuan vawiin chawhma atang khan Millenium Centre, Aizawlah a duh apiang tan hriselna kawnga inzirtirnate, san zawng leh rih zawng inbuktawn dan hrisel tehna, BMI chhut sak te, Blood Pressure leh Zunthlum endikte a thlawnin a buatsaih a. Multivitamins leh pum damdawi te a thlawnin an pe chhuak bawk a ni.

Kum tinin International Nurses Day hi 12th May ah hman thin a ni a. Modern Nursing hmu chhuaktu Florence Nightingale piancham pualin 1974 atang khan hman tan a ni. International Council of Nurses, Geneva-ah Headquarters neiin Nurses Day thupui chhawpchhuah thin a ni a. Kumin a Nurses day thupui chu  “Our Nurses, Our Future, Caring For Nurses Strengthens Economies” tih a ni.

International Nurses week chhung hian khawvel pum ah Nurse ten an thiamna leh theihna hmangin mipui tan an luanchhuahna hun an hmang thin a. Mizoram ah pawh Damdawi in leh Nursing zirna in hrang hrang ten Nurses day thupui zir ho nan te, hriselna kawng a hriattur pawimawh inzirtirna hun atan te, thisen pek runpui leh mipui hriselna endikna hun te buatsaih thin a ni a.

Free Health checkup hi vawiin chawhma 10:30 atangin chawhnu 3:00 thleng an kalpui a ni.