Technology Mission hnuaia Champhai leh Hnahlan khawvela Grape an lo chin hlawhtlin mek bawhzui nana NLUP hnuaiah Grape chin chhunzawm zel tum a ni a. Chhungkaw tam takin eizawnna pui berah hmangin innghahna berah an neih tak avangin Grape chingtute harsatna awm thei tur ven thawn ngaiin hriat a ni a. Tuna Grape zu an siam tan mek hi quality tha tawk lo, hriselna tikhawlo thei anih chuan reilo teah Grape chingtute hian harsatna an tawk ang tih hi sawrkarin a hlauthawng a. Grape chingtute eizawnna humhalhna leh tanpuina atan Grape zu siam tur hi quality tha tawk, taksa hriselna atana him tawk a ni ngei tur a ni tih hi Sawrkar duh dan a ni a.
Hemi bawhzui tur hian vawiin 6th September, 2010 hian Champhai leh Hnahlan a Grape zu an siam chungchang sawi ho in Pu P.L.Thanga, Member & Secretary, State Planning Board leh NLUP Implementing Board-a Vice Chairman Office ah Industry Director, Pu Shurbir Singh te, Horticulture Director Pu Samuel Rosanglura te, RIPAN Director Dr. Chawngthanliana te, Pharmacy Department-a Professor Dr. B.B.Bhatacharjee leh Dr. H.Lalthlenmawia, Senior Lecturer te an thu khawm a. Grape zu siamna tura hmalak mekna ah grape zu in turte tana hriselna leh taksa tana him tawk 'International Organisation of Vine and Wine' ina, international standard an lo siam "Wine substance" chi hrang hrang test an tih Citric Acid, Volatile Acidity, Arsenic, Copper leh pawimawh chi hrang hrangte test dan tur leh mihring hriselna him tawk atana an lo buatsaih chu zawm ngei turin Mizoram tana hmalak nise tiin an rel.
Tuna Champhai Winery atanga an siam chhuah tawh mek hi Sawrkar lam atangin quality test mumal ala awm lova. Zawrh chhuah thuai tura buatsaih a nih avangin a rang thei ang berin quality test tih thuai nise tiin vawiina thu khawmte chuan an rel. Ram pawn lama 'Natianal Accerdited Laboratory' zu dawra hmala tur hian hun rei tak a la duh dawn avangin RIPAN Laboratory hi test nan hman nise. RIPAN Laboratory-a test theih chi hrang hrangte test a, a bak 40% vel an tih theih bak te hi "National Accredited Laboratory" ah test nise ; a 'substance' hrang hrangte test zawh hnuah 'National Accreditation Board for Laboratory' Department of Science and Technology , Govt, of India, ah he wine siam chhuah tur hi certificate pe chhuak ve thei tura hmalak nise tiin an rel bawk.
Champhai leh Hnahlan Winery dintute leh neitute hnenah hetiang ang 'International Standard' quality siam chhuak ve thei turin tunlai khawvel hman mek hi pek ve nise, hemi standard dungzuia wine quality tha leh him siam chhuak ngei turin hriattir nise an ti bawk.
September 8, 2010 hian a hmuna sample la turin Agency hrang hrang Horticulture, Industry leh RIPAN aiawh te Champhai Winery ah kalin sample lak nise an ti a, hemi ni hian Excise Department aiawhte pawh tel ngei tura beisei an ni bawk.
Tuna Champhai Winery atanga an siam chhuah tawh mek hi Sawrkar lam atangin quality test mumal ala awm lova. Zawrh chhuah thuai tura buatsaih a nih avangin a rang thei ang berin quality test tih thuai nise tiin vawiina thu khawmte chuan an rel. Ram pawn lama 'Natianal Accerdited Laboratory' zu dawra hmala tur hian hun rei tak a la duh dawn avangin RIPAN Laboratory hi test nan hman nise. RIPAN Laboratory-a test theih chi hrang hrangte test a, a bak 40% vel an tih theih bak te hi "National Accredited Laboratory" ah test nise ; a 'substance' hrang hrangte test zawh hnuah 'National Accreditation Board for Laboratory' Department of Science and Technology , Govt, of India, ah he wine siam chhuah tur hi certificate pe chhuak ve thei tura hmalak nise tiin an rel bawk.
Champhai leh Hnahlan Winery dintute leh neitute hnenah hetiang ang 'International Standard' quality siam chhuak ve thei turin tunlai khawvel hman mek hi pek ve nise, hemi standard dungzuia wine quality tha leh him siam chhuak ngei turin hriattir nise an ti bawk.
September 8, 2010 hian a hmuna sample la turin Agency hrang hrang Horticulture, Industry leh RIPAN aiawh te Champhai Winery ah kalin sample lak nise an ti a, hemi ni hian Excise Department aiawhte pawh tel ngei tura beisei an ni bawk.
