4704/2024-2025

19th March 2025: Aizawl District Hub for Empowerment of Women, Women & Child Development leh Department of Social Work, Mizoram University ṭangkawp chuan International Women’s Day, 2025 denchhenin District Level Seminar Dean’s Multipurpose Hall, MZU-ah an buatsaih.

Kohhran leh khawtlang hruaitu, NGO hrang hrang te atang leh thawktu leh zirlai te'n he hun hi an chhim a ni.

He hunah hian Prof. Lalnundanga, Registrar chu Chief Guest niin, Pi Zoramthangi Chhangte, Director, Women & Child Development chu Guest of Honour a ni a. Dr. Henry Zodinliana Pachuau in Seminar hi kaihruaiin, Department of Social Work Head of Department Prof. C Devediran in kalkhawmte chibai bukin, alo lawm a. Prof. Lalneihzovi, Dean, School of Social Sciences chu Keynote Speaker ah tangin, hmeichhia te tana hmalakna hrang hrang te leh tan ngaihna lai te a tarlang a. 

Kalkhawmte lawmna leh khuh hawnna neih zawhah hian Seminar hi session hnih a then hrang in, 1st Session hi Dr. Lalhruaitluangi Chhangte, District Programme Officer in a kaihhruai a, 2nd Session hi Dr. H. Elizabeth, Associate Professor in a kaihruai thung a ni.

He hunah hian thupui pawimawh tak tak zirho a ni a, chung thupui te chu: 

1. Protective Mechanism of Women and Girls: Rights and Legislations chu Dr. Esther L.Chhangte, Principal, Govt. Mizoram Law College in a pe a.

2. Women in Mizo Folklore and their Portrayal as Empowering Agents chu Prof. Ruth Lalremruati, Department of Mizo, MZU in a pe a.

3. Mizo Women and their contribution to Arts & Literature chu Dr. Hmingthanzuali, Asst. Professor, Dept. of History, MZU in a pe leh a.

4. Media as a means of Moving forward to Empower Women tih thupui hmangin Prof. Irene Lalruatkimi, Dept. of Mass Communication, MZU in presentation a pe leh a.

5. Women and Civil Society: A case study of Mizoram chu Dr. Mary Vanlalthanpuii, Guest Faculty, UGC- Women Study Centre, MZU hnen atangin ngaihthlak a ni.

6. A reflection from Mizo Women Personalities and their inspiratinal work tih thupui chu Zomawii Khiangte, CEO, Tui Bon Natural, Local AI-Natural Soda, Mizoram leh Vanlalruati, President, Positive Women Network of Mizoram hnen atangin ngaihthlak a ni bawk.

He Seminar ah hian hmeichhia te tana hmalakna te, tan lak ngaihna te leh kawng hrang hrangah hmeichhia te tel ve theih a nih thu zir ho a, ngaihthlak a ni a. Kalkhawm ten an hlawkpuiin, tluang taka hun hman a ni.