Department of Information & Communication Technology chuan Department hrang hrang te'n  changtlung zawk an  Department website an enkawl theih nan  Dt. 22nd June atangin  I&PR Conference Hall ah  'Two days Sensitization Workshop on Website Guidelines' a buatsaih.He workshop hi Department aiawh ten an chhim.
Vawiin khan  workshop hi  chhunzawm leh a ni a, Pu C.Lalrosanga, Deputy Director (Admn), DoICT chuan he workshop hi  kaihruaiin, Pu Lalthlamuana, Principal Informatics Officer, DoICT chuan Paper hrang hrang a present a ni. Pu Lalthlamuana chuan Department hrang hrangte'n website nalh tak tak te  an nei fur a  mahse, a chhunga thuawm te (Content) chuan duhthu a sam loh mai bakah   up-to-date a ni thin lova, hei vang hian department thenkhatte website chuan awmzia a nei vak lo a ni a ti. Tha zawka department  hrang hrangte   website  update a nih tawh nan leh enkawl zui zelna atana inkaihhruaina atan he workshop hi buatsaih a nih thu a sawi. Department hrang hrangte chuan an website te felfai zawka enkawl theuh tur leh website siam hma a Goverment Of India  Website Guidelines enchiang hmasa thin turin a kawhhmuh bawk..

He workshop-ah hian department hrang hrangten  an website siam leh  enkawl zuina (update and maintenance) chungchanga harsatna an tawh te an sawi a. Technician leh Technical lama harsatna an tawh thin te sutkian dan tur  zir ho nghal a ni. Vawiin workshop a rawtna lut te bawhzuina kawng khat atan Department of ICT chuan Department hrang hrangte tan training hun remchang hmasaber ah buatsaih leh a tum ani.