200/2024-2025 

Champhai, the 15th April, 2024: General Election to Lok Sabha 2024 atana Champhai District chhunga Assembly Segment 3 hnuaia Polling Station 84 a duty tur 'Polling party' te hmanrua buaipui a, an chhuak tur thlah leh vote thlak zo rawn hawte lo dawngsawngtu tura ruat, Issuing & Receiving Team hrang hrangte tan vawiin chawhma dar 10:00 khan DC Conference Hall-ah training buatsaih a ni.

He hun hmanpuitu District Election Officer Pu James Lalrinchhana chuan Nodal Officer fel tak takte hnuaiah inthlan buaipui a ni chu lawmawm a tih thu sawiin, inthlan huna polling party chhuak tur thlah leh vote thlak zo lo hawte buaipuitu turte tana training tha tak buatsaih a ni chu lawmawm a tih thu a sawi a. Inthlan buaipui kawngah hmanhmawh luat avangin tihsual palh a awm theih dante tarlangin, fimkhur takin tihsual awm lo tura theihtawp chhuah turin a fuih a. Kalkhawmte chu Polling party mi chi hrang hrangte buaipui tur an nih avangin thawhpui nuam, nelawm leh biak nuam tak nih tum turin a chah a. Inthlanna felfai tak neih a nih theih nan buaipui tulte enzui thuai thuai thin tura fuihin, rilru fim tak pu chunga mawhphurhnate tha taka hlenchhuah theuh tum turin a fuih nghal bawk.

He hunah hian Pu Lalrinawma, Nodal Officer, Election Expenditure Monitoring/PD, DRDO leh Pi Lalhruaitluangi, Nodal Officer, Training Management & Important Forms/ BDO Champhaite'n zirtirna an pe a. Training zawhfel hnu hian Assembly Segment hrang hranga duty turte'n team leader kaihruaiin despatch & receive centre tura ruatte enfiahin vote thlak huna hmanraw ken turte an chingfel a ni.