Mizoram Police chuan Inthlanpui a venhim hna thawk tura mamawh, CAPF chah mek a ni tih a hnuaia mi ang hian thuchhuah siam in an tarlang a. CAPF te rawnluhna kawngah mipuite chu harsatna siam lo turin an ngen a ni.

Kan ram ah hlawhtling tak leh felfai taka MLA Inthlanpui kan neih theihna turin  Security Force-te  state pawn atangin chah luh angai thin a,  heng Force te kan chah luh thin na chhan chu Force kan indaihloh  vang leh Election Commission in inkaihhruaina a siam angin hengah te hian Central Armed Police Force or State Armed Police (CAPF/SAP) te hman an ngaih thin vang a ni:

(1) EVM Strong room Guard leh Counting Hall Security, (2) Expenditure Monitoring Team, Static Surveillance, Check-post (Naka), etc. (3) Critical Polling station security te  Local Police te nen a thawk hovin CAPF/SAP te hi an tel ve angai thin ani. Chuvangin tun tum kan State inthlanpui lo awm turah pawh heng CAPF/SAP te hi kan chah luh angai a, a thawh khatna kan chahluh tawh bakah tunah hian chahluh leh tura hma lak mek ani a. Hengte hi election process  a hman tur liau liau an ni a, an lo lohna turah hian mipuiten harsatna lo siam sak lo hram turin kan in ngen tak meuh a. Tluang taka Inthlannakan hmachhawn theihna turin mipuite thlawpna kan ngen tak meuh a ni.