Nimin lamah khawpui pawn hmun hla deuhva duty tur Polling Official thenkhat an chhuah hnuin Aizawl khawpui chhung Assembly Constituency 10-a inthlan buaipuitu tur Polling Official te chuan tukin zing dar 8:00 atang khan an duty-na hmun tur panin Govt. High School Field, Zarkawt atangin an chhuak zui ve leh ta. Vawiina chhuak te hi motor 194 hmangin Polling Party 217 an ni. Polling Party kalchhuak tur te hi Aizawl DEO Pi Juhi Mukherjee chuan a thlah liam a, tihian Aizawl District chhunga Polling Station 323-a duty tur te an chhuak kim ta a ni.

Inthlannaa duty tur hian Mizoram Police pawh Aizawl District chhung atan mi 450 vel an inruat a, Mizoram pawnlam atangin BSF leh CRPF Company 7 an lo kal bawk a ni. Mizoram Police leh I.R. atang hian Nagaland ah Election duty turin Company 7 an chhuak mek bawk a ni.

Attachment

  • Loading attachment...