Vawiin hian Lawngtlai District chhung Polling Station hrang hranga duty tur Polling Party te chuan an duty na tur panin Lawngtlai an chhuah san.

Polling Station 159 awmna Lawngtlai District chhunga duty tur Polling Party 124 te chhuah hun tur hi hun thumah then niin party 66 te chu tukin zing dar 6:00 AM atang khan kal tir an ni a. Anni ho hi lam hla zawk deuhva kal turte niin an chhuak hmasa ber a. Zing dar 10:00 Am ah Polling Party 42 te chhuah tir ve leh niin chawhnu lam dar 1:00 Pm khan Polling Party 16 te chhuah tir an ni leh bawk. Vawiina an duty na tur hmun pana kal tate hi District Election Control Room atanga biak pawh zui reng niin he thu ziahlai thleng hian harsatna lian tham tawk an awm thu hriat a la ni lo.

Vawiina chhuak bak Polling Party 35 te pawh naktuka an chhuah hun tur bithliah theuhva chhuak thei tura buatsaih fel an ni bawk.

Naktuka chhuak tura ruahmante hi Lawngtlai khawpui chhung leh a chhehvel khaw hnai vaia inthlanna buatsaih tu turte an ni a, an kalna tur a zir zelin zing dar 6, dar 10 leh chawhnu lam dar 1 ah te an kalna tur lam an pan ve ang.