Election Commission of India-in inthlanni-a political party leh candidate te zawm tur inkaihhruaina a duante chu a hnuaia mi ang hi a ni :

Political Party leh Candidate zawng zawngte chuan nthlanna felfai leh tluang tak, inrikrap emaw inkhapna tel lova, vote thlak tur ten zalen taka vote an thlak theih nan, election duty-a awm officer-te nen an inthlawp tha tur a ni. Party worker an ruatte chu badge emaw identity card an ken tir tur a ni. Voter-te hnenah identity slip an pek chu lehkha puanvar ruak, party emaw candidate emaw chhinchhiahna leh hming chuanna ni lo, chauh a ni tur a ni. Vote thlak ni leh a hma darkar 48 chhung hian zu an sem/pe tur a ni lo. Party/candidate/party-worker te inkarah innghirnghona leh boruak duhawm lo a thlen loh nan, polling booth bulah political party/candidate ten thutna bik (camp) an siam a nih pawhin mipui pungkhawm luai luai tur ang chiin an ti tur a ni lo. Camp-te hi mawl taka siam tur a ni a, poster, flag, symbol te emaw campaign-na ang chi hmanrua dang engmah a awm tur a ni lova, mipui hnenah pawh ei/in tur engmah an sem tur a ni lo. 

Candidate-in lirthei hman chungchangah danin a phut chin bak phal a ni lova, thuneitute atanga phalna an lak chu an lirthei hmanah langsar takin an bel tur a ni. Candidate chuan lirthei a duh ang hman phal a ni a (two-wheeler thlengin), amaherawhchu a dinna bial Returning Oficer hnenah phalna (permit) a la tur a ni a. Permit hi an motor darthlalang-ah original copy an bel tur a ni. Permit-ah hian lirthei number leh candidate hming a chuang tur a ni. Permit nei lo motor hman phal a ni lova, hmang lui an awm a nih chuan IPC Chapter IXA hmangin hrem theih a ni a, motor pawh campaign nan hman zui phal a ni tawh lovang. Candidate pakhat hminga motor permit pek hi Candidate dangin an hmang a nih chuan IPC Section171H hmangin hrem theih a ni. Lirthei pawnlam chei (entir nan : louspeaker vuah) hi Motor Vehicles Act/Rules dinglaiin a phal ang chauh tih theih a ni a. Lirthei chei danglam tur chuan thuneihtute hnenah phalna lak hmasak tur a ni. 

Inthlanni-ah Candidate chuan ama hman tur lirthei 1, election agent tan 1 leh party-worker te tan 1 hman sak phal an ni. Inthlanni-ah Candidate tupawh a dinna bialah awm lo mahse Candidate hminga motor permit nei chu midang tumahin an hmang thei lovang. Political pary/candidate te tan inthlanni-ah ‘entitled vehicle’ eng chi mah hman phal a ni lo. Candidate/agent/party-worker ten thuneitute atanga motor permit an lakna lirthei chauh an hmang thei ang a, heng lirthei-ah te hian mi 5 (driver tiamin) aia tam an chuang tur a ni lo. Political Paty/Candidate ten Voter-te polling station thlenga phurh leh an hawna tur motor eng chi pawh hman phal a ni lova, hei hi dan kalh tlat a ni. (Ref : Sec.133 of Representation of People Act, 1951)

Political party/Candidate chuan Polling Station atanga 200mts hlaah Polling Booth an siam thei ang a, hetah hian dawhkan 1, thutthleng 2 leh a chhunga thu mi 2 te khuh nan nihliap emaw tarpaulin emaw puan zar theih a ni ang. Booth-ah hian Candidate, Party leh Symbol chuankaina Banner (3x41/2 ft) chauh tar phal a ni a. Hmun khatah Polling Station 2 aia tam a awm a nih chuan Polling Booth 2 siam theih a ni. Polling Booth/Camp siam nan Sorkar thuneitute atangin phalna (written permit) lak a ngai a, police/election official ten an rawn check a, en theih turin written permit hi booth-ah an kawl tur a ni. Polling Station hmunah emaw a bul velah emaw campaign hi khuahkhirh tlat a ni a. Polling Station atanga 100mts bial chhungah vote tura mi sawm emaw thlem phal a ni lo.

Mi tumahin Polling Station chhungah leh Polling Station atanga 100mts bial chhungah mobile phone, cordless phone, wireless set etc. an hmang tur a ni lo. Observer/Micro-Observer, Presiding Officer leh security personnel chauhin an hmang thei ang a, silent mode-ah an dah tur a ni.