Serchhip District chhunga Assembly Constituence pathum (Tuikum, Serchhip leh Hrangturzo)  a Inthlan buaipui tura ruat Polling Party hrang hrangte chuan an duty na hmun tur an pan kim ta.

Nimina an duty na tur a chhuak ve lo Polling Party 20 te chu vawiin khan an duty na tur panin an chhuak fel ve leh ta a, tihian Inthlan buaipui tur Polling Party 77 te chu an chhuak kim vek tawh a ni.

Vawiina Polling Party 20 an duty na tur hmun pana chhuak ta te hi Serchhip leh Tuikum Constituency a duty tur te an ni a, an zinga 15 hi Serchhip Constituency-a Serchhip leh New Serchhip a polling station 15 a duty tur an ni a, a dang zawng hi Tuikum Constituency-a Chhiahtlang khua a polling station 5 a duty tur te an ni.

Polling Party te hian an kalchhuah hma in Serchhip DC Office tualah Inthlan buaipuina tura an mamawh hmanraw chi hrang hrang (Polling Materials) te a kim leh kim loh an endik a, hemi hnu hian Electronic Voting Machine (EVM) an hman tur theuhte an check leh vek bakah SMS Registration te tifel niin, TA/DA pek fel nghal vek an ni bawk. Polling Party hrang hrang te hi an duty na tur hmun pana an chhuah hma hian anmahni bialtu Sectoral Magistrate te leh Election Observer ten hnathawh dan tur kalphung leh thil tul dang te hrilhfiahna hun tawi fel tak an hmanpui hnu ah District Election hotu ten an vailiam a ni.

Nimina chhuak ta Polling Party 57 te pawhin an duty na tur hmunh tluang takin an thleng vek tawh a, a thleng hmasa ber Hmawngkawn polling station (Tuikum) a duty tur ten chawhnu dar 2:22 PM khan an thleng a, a hnuhnung ber chu Sailulak polling station (Hrangturzo) a duty tur te niin zan dar 10:49 PM ah an thleng a ni.