2583/2023-2024

Khawzawl, 1st November 2023: Nimin khan Khawzawl DC Meeting Hall-ah Khawzawl DEO Pu K. Lalrohlua kaihhruainain Khawzawl Sub Hqrs YMA leh District Officials te an thukhawm a. 22-Tuichang (ST) A/C chhunga vote tla a that zawk theih nan a ruahmanna pakhat - ‘intlar ngai lo Polling Station’ (Queueless Polling Station) chungchang an sawi ho.

Pu K. Lalrohlua, District Election Officer/Deputy Commissioner chuan Meeting hi a kaihruai a, inhmelhriattirna a neih zawhin Pu Lalfakzuala, Dy.District Election Officer-in Meeting koh chhan Poll Day arrangement chungchang, Inthlanni a voters ten intlar buai lova vote an thlak theihna dan tur ruahmanna te a tarlang a. Ngun taka sawi ho hnuah hetiang hian ruahmanna siam a ni.

1. Inthlanni hian vote thlak dan tur YMA Branch tin ten ruahmanna an siam ang. Inthlan Ni a YMA te chet chhuah dan tur chu Mizoram People's Forum (MPF) te nen lo sawi ho phawt tha tih a nih avangin District Election Officer /Deputy Commissioner-in MPF te Ni 01.11.2023(Nilaini) ah lo sawipui se tih a ni.

2. Sub-Headquarters YMA Ieh Returning Officer/District Election Officer te inremna chungchang sawi ho a ni a, YMA Branch tin ten lawman la vek tura tan lak nise tih a ni. Tunkar YMA chanchinbu ah vote thlak tura mipui sawmna chhuah vek nise, a copy khat Returning Officer / Deputy Commissioner ah pek vek nise (hei hi pdf in Whatsapp ah Jenny, PA to DC 9862596410 ah thawn nise). Hei hi 22-Tuichang(ST)AC chauh a nih thu Deputy Commissioner hian tarlangin Inthlanna ah Khawzawl District ah 22-Tuichang (ST)AC chauh an enkawl avangin District chhunga YMA Branch zawng zawng a hman theihloh thu a tarlang. YMA hruaituten Social Media ah a tam thei ang ber mipuite vote thlak tur a sawm turin Deputy Commissioner hian a ngen bawk.