2584/2023-2024

Khawzawl, 1st November 2021: Vawiin khan Khawzawl DC Meeting Hall-ah Pu K. Lalrohlua, District Election Officer kaihruaiin, Khawzawl District-a Election hotute chuan District Mizoram People's Forum (MPF) te nen inthlan chungchanga ruahmanna te an sawiho a. A hnuaia tarlan ang hian ruahmanna an siam.

1. Inthlan Ni a voters te vote thlak dan tur chu a veng(street) angin emaw YMA section angin emaw voters indawt danin emaw YMA ten Ni 31.10.2023 a an rel tawh angin ruahmanna lo siam se, YMA Information Centre atangin vote thlak dan tur puang thin se tha tih a ni.

2. Inthlan Ni ah Voters Facilitation Centre chu MPF Local Forum te kaihhruaina in ruahman nise. Heta mamawh leh thil tul - Electoral Roll, paper etc. chu District MPF Secretary in Election Branch ah a hriattir ang a, Polling Party ten an ken sak ang.

3. Inthlan Ni a engemaw avanga vote thlak chungchanga harsatna nei an awm chuan MPF Local Forum ten Polling party te motor an hman sak ang a, a tul angin vote an thlak theih nan hma an la ang.

4. Silent Period: Inthlan vote thlak zawh darkar tanva chhiar leta 48hrs hi Silent Period a ni a, campaign lam thil eng pawh Political party ten an ti tawh tur a ni lo. Hemi hunah hi chuan 22-Tuichang(ST)AC a vote nei ni lo chu an awm tawh tur a ni lo. Silent Period hi Ni 5.11.2023(chawlhni) dar 4:00 pm atangin hman tan tur a ni. MPF ten hmun danga awm te an inthiarfihlim theih nan Ni 3.11.2023(zirtawpni) aia tlai lovah mipui te an hriattir ang.

5. Voters hmundanga awm te MPF in Inthlanna a vote thlak duh 22-Tuichang (ST)AC a awm te list, Ni 3.11.2023 (zirtawpni) dar 12:00 Noon ral hma in Election Officer, Khawzawl ah an thehlut ang. Heng voters te hi Inrinni (Ni 4.11.2023) leh Thawhtan (Ni 6.11.2023) ah phurh haw an ni ang. Motor hi Election Branch in Addl. Deputy Commissioner (Nodal Officer) hovin an lo ruahman anga, Motor hi Khawzawl thleng, Khawzawl atang main road Sialhawk thleng voters te a drop ang. Candidates ten voters te hruai tur a ni lova, MPF in ruahmanna an siam hi zawm vek turin an ngen bawk.

Inthlan Ni hian Deputy Commissioner/Returning Officer aiawh a Polling Station enkawltu chu Booth Level Officer (BLO) an ni a, Mizoram People's Forum (MPF) ten engkimah an be rawn thin ang.