2790/2023-2024
Aizawl the 15th November, 2023 : General Election to the Mizoram Legislative Assembly, 2023 hnuaia Media Cell, CEO Office kaltlanga ni tin chhuak Chanchinbute tana buatsaih, mipui hnena Election chungchang leh vote thlak tura inzirtirna lam hawi kalpui tha inelna, October ni 26, 2023 atanga November ni 6, 2023 chhunga neih result chu vawiin chawhma dar 11:00 khan Addl. CEO Pu H.Lianzela, Nodal Officer, Media Cell, CEO Office chuan a puang.
Election chungchang mipui zirtir kawnga inelnaa tel CEO Office-a thehluh Chanchinbu 8 te chu November ni 13, 2023 khan Media Cell, CEO Office Member-ten Addl. CEO & Nodal Officer Pu H.Lianzela hovin tehfung hrang hrang (Frequency, Editorial, Headline & First page top corner slogan, mark putzat belhkhawm 450) hmangtein an endik a. Endikna result hi vawiin chawhma dar 11:00 khan puan a ni a He inelna huanga telte hian Citation bakah pakhatna hian pawisafai Rs. 30,000/-, pahnihnain Rs 20,000/- leh pathumnain Rs 10,000/- an dawng dawn a, lawmman inhlan hun tur erawh inhrilhhriat leh tur a ni ang.
Inthlanpui atana mipui zirtir kawnga Chanchinbu hma la tha Media Cell, CEO Office-in a thlanchhuahte chu hengte hi an ni:
Rank | Name of Newspaper | Place of Publication | Name of Editor |
1st | Virthli | Aizawl | K. Zothankhuma |
2nd | Lenrual | Champhai | Lalhlupuia |
3rd | Zothlifim | Serchhip | C. Lalrochhuanga |
Media Cell, CEO Office chuan lawmman dawngtute thinlung takin a lawmpui a. Heng bakah hian hmalakna ngaipawimawha tihlawhtlingtu inelna huanga tel Chanchinbu dang zawng zawngte inpekna leh tawiawmnaah lawmthu a sawi a. Inthlanna zalen, dik leh felfai hlawhtling taka buatsaih a nih theihna kawnga Media-ten ECI inkaihhruaina tihchhuah leh CEO Office-in thuchhuah a siamte tha taka an zawm thin avangin Media Cell, CEO Office chuan lawmthu a sawi bawk.
