2791/2023-2024

Aizawl, 15th November 2023: Ek Bharat Shreshta Bharat hmalakna hnuaiah Governor Dr Hari Babu Kambhampati chuan vawiin chawhnu khan Durbar Hall, Raj Bhavan-ah Jharkhand State leh Uttarakhand State Formation Day lawmna  programme a buatsaih.

Uttarakhand state hi 9 November 2000 khan Uttar Pradesh Reorganization Act, 2000 hmangin Uttaranchal tia din a ni a, Uttar Pradesh state atangin then a ni. 1 January 2007 khan Uttaranchal chu Uttarakhand tia thlak a ni a, state a nih hmaa helai hmun sawina hminga a pu ta a ni.

Jharkhand hi November 15, 2000 khan Bihar state chhim lam chanve emaw vel sahthlak atanga siam a ni a.  He mi ni hi Jharkhand tan chuan Tribal hruaitu lar tak leh zalenna sualtu Birsa Munda pian champha phak a ni nghal bawk.

Governor Dr Hari Babu Kambhampati chuan he ni pawimawh takah hian state pahnih mipuite chu chibai bukin lawmpuina a hlan hmasa a. State pahnih a lo pian theihna atana theihtawp chhuahtute, hruaitu pawimawh tak tak te leh khua leh tui mi tangkai tak te zahna chibai a buk bawk a ni. 

He hunah hian Tribal hruaitu huaisen leh ropui, zalenna sualtu ni bawk Pu Birsa Munda leh Tribal mite zinga zalenna sualtute zahna chibai bukin a chanchin tawi a sawi  a. Pu Birsa Munda huaisen leh zalenna atana a thawhhlawk zia te leh tribal freedom fighter te chawimawina atan Pu Birsa Munda piancham chu India sawrkarin Janjatiya Gaurav Divas atan kum tin hman tura a puan thu te a sawi tel bawk. 

Ministry of Home Affairs in state hrang hrang te formation day inhmanpui na tur program Ek Bharat Sheshta Bharat Hmalakna hnuaiah a siam chu thu a tih thu sawiin Ram inpumkhatna atan leh state danga chengte nena in hmelhriatna tha tak a ni a ti. 

Governor-in Pu Birsa Munda thlalak hmaah zahna lantirin pangpar a dah hnuah program hi tan a ni a. Hemi hnu hian Uttarakhand Governor leh Jharkhand Governor te thuchah ngaihthlak a ni a. State pahnih te hlimthla video clip kaltlangin thlir chhunzawm leh a ni a. Hemi hnu hian thusawi,  Prof Bijay Singh, VC ICFAI Mizoram leh state pahnih aiawh te  hnen atangin ngaihthlak a ni bawk.