Vawiin chawhma dar 10:00 am khan DC leh District Election Officer (DEO) Pu Lalthangpuia Sailo uapna hnuaiah inthlanpui kaihhnawih chanvo chi hrang hrang a mawhphurtute zirtirna DC Conference Hall-ah neih a ni.
Kumina MLA General Election lo awm tur ah hian Election hmasa lama la awm ngailo thil thar engemaw zah a awm avangin, Election-in in kaihhruaina an siam anga kalpui zel atul thu Pu Benjamin Lalzama SDO(S) chuan sawiin Video Camera te pawh hman tangkai atul thu leh fimkhur taka chet lak dan turte a sawifiah nghal a, camera hi engemaw zah chu election office in a tum anga, mahse a zavaia hman tur a daih danloh avangin mahni a camera neite chuan anmahni ta hmangin election office in a hire sak dawn a ni. Hna pawimawh tak thawktu tur an nih avangin thlalak dan turte uluk taka zirho nghalin, finfiah tlak ngeia thla la theiturinzirtirna pek an ni. Vawiin chawhnu lam atangin Video Surveilance team, khawchhunga duty turte hi an fehchhuak nghal bawk a ni
Inthlanpui neih huna chanvo nei tur MCC, Election Expenditure leh EVM buaipui dan te, Videographers leh NOTA hman dan tur leh Candidate te nomination File dan te zirtirna neih a ni a, hetah hian Model Code of Conduct (MCC) Officer te, Sector/Zonal Officer te, Complaint Receiving Centre Staff te, Flying Squad/Static Surveillance Team te, Video Surveillance team te, Sector Officers leh EVM deployed staff ten an chanvo theuh harsatna nei lova an thawh theuh theihna turin State Level Master Trainer Pu Benjamin Lalzama (SDO Sadar), Pu Zoremthara Ralte BDO Champhai, Pu R. Vanrengpuia Election Officer, Pu Allan Lalthanzara SDC leh Pi V. Lalmuanpuii SDC ten zirtirna hrang hrang an pe bawk a ni.
Flying Squad/Static Surveillance Team leh Video Surveillance team te hi Champhai District chhunga A/c 5-a an duty-na hmun tur theuhah naktuk hian an chhuah tawh dawn avangin an hmanrua tur (Video Camera & Accessories) te vawiin khan pekfel an niin, postal ballot hmanga vote an thlakna tur hmanrua pek annih bakah zirtirna pek an ni bawk.
