Investment Program Empowered Committee (IPEC) for North Eastern Region Capital Cities Development Investment Program (NERCCDIP) meeting 21-na chu ni 7 September, 2015 khan Aijal Club’s Conference Hall-ah neih a ni a. He Project hna hi State Investment Programme Management and Implementation Unit (SIPMIU), Urban Development & Poverty Alleviation Department-in a thawh mek a ni a. Empowered Committee meeting hi Dr. C.Vanlalramsanga, Secretary, UD&PA Department leh Planning & Programme Implementation Department ni bawkin a kaihruai a ni.

Er. Valbuanga, Program Director-in power point presentation hmangin Department of Economic Affairs, Ministry of Finance, Government of India leh Asian Development Bank (ADB) Program hnuaia 3-Multi Tranche Financing Facilities(MFF), Tranch-1, Tranch-2 and Tranch-3 anga ruahmanna angin, Aizawl khawpui tihhmasawn nana project hrang hrang a duan lawk water supply system tihchangtlun zawk te, zun, êk thli leh tui chhia (sewerage & sanitation), bawlhhlawh mumal zawka sawngbawlna tur te leh khawpui tihhmasawn leh tihchangtlun leh a enkawl chhunzawm dan leh inrelbawl dan tha zawk ruahmanna atana hmalak a nih dan te IPEC member te a hriatir a ni.

Tranche-1 Program hi 16-January, 2009-ah approve niin Ministry of Urban Development, Government of India, Department of Economic Affairs, GoI, 5-NE States Government te nena Loan Agreement leh Project Agreement te August, 2009-ah ziah fel a ni a. 5-North Eastern States zingah 1st MFF/Tranch-1, October, 2015 a zawh fel tur ruahman chu June, 2012: Aizawl, Mizoram chuan a zo fel a; 2nd MFF/Tranch-2 pawh February, 2013 ah tanin 42% dawn physical works zawh tawh a ni. Project dang chhunzawm tur chuan State Government te tihthat dan/performance zir anga chhun zawm tura dah a ni.

IPEC meeting-ah hian 2nd MFF (Project-2) a Project kal lai mek te thlir ho a ni a, contract package 10 zingah 4 chu zawh fel tawh a nih thu te pawh meeting-ah hian hriattir a ni a, Project packages 6 a hna thawh meka sum hman ngai te pawh pawmpui a ni bawk. Project 2-ah hian Aizawl khawpui chhungah in tin te hman tur bawlhhlawh bawm (dustbin) pahnih theuh (Thawih thei leh Thawih theilo thiar hranna tur) sem tura ruahman a ni a, meeting hian bawlhhlawh bawm supply tur hian M/s Nilkamal Ltd, Mumbai chu a pawmpui bawk a ni.

SIPMIU hian Project thawhlai mekah Aizawl khawpui tui chawmna (Water Distribution Pipeline) a thawh chu 28.46kms a phum zo tawh a, chak takin a kalpui zel a ni. In tinah tuipekna tur thar (ferrule system) pawh Govt. Complex veng atangin vuah hna tan a ni. Hemi system hian tuna tui lakna T-Cluster system hmang tawh loin pipe main line atangin consumer-ten anmahni inah direct-in tui an la lut tawh dawn a ni.

Zun leh êk thli paihfaina (Sewage Treatment Plant) Chite ruama sak mek pawh 27.7% chu sak zawh tawh a ni. Sewerage Pipeline pawh 4.289 kms phum zawh tawh a ni bawk.

IPEC Meeting-ah hian Sorkar Department hrang hranga development/works head of department-te chu member an ni.