Vawiin khan State Guest House Chaltlang-ah, a vawikhatna atan Indian Chamber of Commerce Kolkata leh Industries Department tangkawp te chuan 'Seminar on Investment Oppurtunity in Mizoram' an buatsaih a. He Seminar hi Mizoram a phai lam Investors ten industry an din theih nana kawng dap leh an hriat duh te a Department kaihhnawih te nena sawihona hun remchang an neih theih nan ruahman a ni a.
Seminar hawnna inkhawm a thusawiin khuallian Pu S. Hiato Industries Minister chuan Mizoram chu thing leh mau, buh leh bal, thlai ah a hausak bakah ziak leh chhiar thiam tamna state a nih thu te sawiin heng kawnga industry din duh te tan remchang a tam tiin Investors te chuan Mizoram ah an tha leh zung sumdawnna leh industry din nana seng turin a sawm a ni. Minister chuan Industry leh sumdawnna kawngah Sawrkar laipuiin Transport Subsidy te, Capital Subsidy te, Central Excise Duty leh Income Tax a ngaihnathiamna te chu Investors te a hip theih thu a sawi.
Pu H Zothangliana Parliamentary Secretary (Industries) chuan Mizoram chu Asia khawchhak a hnaih avanga sumdawnna leh industry dinna kawnga hmalakna leh ruahmanna a tam thu sawiin chu chu Investors te tan haichhuah a, ram tih hmasawnna tham a ni a ti.
He Seminar ah hian Chief Secretary Pu Vanhela Pachuau IAS leh Industries Secretary Pu R L Rinawma IRS te chuan Mizoram a Investment awm theihna peng hrang hrang - Industries Sector; Agriculture leh Horticulture Sector; Tourism Sector; Mining Sector; Power Sector; IT Sector; Education leh Social Sector; Health Sector; Urban Development leh Land Revenue hnuaia industry din theihna chi hrang hrang an tarlan bakah he Seminar ah Company hrang hrang aiawh te chu an hriat duh hrang hrang te inthlahrung hauh lova a Department kaihhnaiwh te zawt turin an chah bawk a ni.
Seminar hi ICC Senior Adviser Pu Rakib Ahmed'n a kaihruaia, Department hrang hrang - Agriculture, Horticulture, Power, Health, IT leh Education te Secretary leh senior officer thahnem tak an tel bawk a ni. He Seminar ah hian Company hrang hrang 27 vel an rawn tel a. Power; cement; hotel leh hospitality; zirna leh skill development; agro-based ;forest based leh food processing sector atang te an ni. Company aiawh te hian a changtu Department hotute nen inkawmhona hun (one to one meeting) an nei zui nghal a ni
Pu H Zothangliana Parliamentary Secretary (Industries) chuan Mizoram chu Asia khawchhak a hnaih avanga sumdawnna leh industry dinna kawnga hmalakna leh ruahmanna a tam thu sawiin chu chu Investors te tan haichhuah a, ram tih hmasawnna tham a ni a ti.
He Seminar ah hian Chief Secretary Pu Vanhela Pachuau IAS leh Industries Secretary Pu R L Rinawma IRS te chuan Mizoram a Investment awm theihna peng hrang hrang - Industries Sector; Agriculture leh Horticulture Sector; Tourism Sector; Mining Sector; Power Sector; IT Sector; Education leh Social Sector; Health Sector; Urban Development leh Land Revenue hnuaia industry din theihna chi hrang hrang an tarlan bakah he Seminar ah Company hrang hrang aiawh te chu an hriat duh hrang hrang te inthlahrung hauh lova a Department kaihhnaiwh te zawt turin an chah bawk a ni.
Seminar hi ICC Senior Adviser Pu Rakib Ahmed'n a kaihruaia, Department hrang hrang - Agriculture, Horticulture, Power, Health, IT leh Education te Secretary leh senior officer thahnem tak an tel bawk a ni. He Seminar ah hian Company hrang hrang 27 vel an rawn tel a. Power; cement; hotel leh hospitality; zirna leh skill development; agro-based ;forest based leh food processing sector atang te an ni. Company aiawh te hian a changtu Department hotute nen inkawmhona hun (one to one meeting) an nei zui nghal a ni
