Ni thum awh tur "National Seminar on Modernisation: Challenge & Impact on Tribal Life and Society in North East India" chu Chaltlang Tourist Lodge-ah vawiin dar 10:30 am khan tan a ni a. May 25 - 27, 2011 chhunga neih tur he National Seminar hi Center for Studies in Civilizations, New Delhi atanga sponsor a ni a, ram chhung hmun hrang hrang atangin mithiam lo kal te thuziah hrang hrang ngaihthlak leh sawi ho a ni ang.
He Seminar hawnna inkhawmah hian Khuallian Prof. Bhuvan Chandel, Member Secretary, Center for Studies in Civilizations chuan tunlai khawvelah ram leh hnam indaidanna bang hrang hrangte thiah a ni mek a ti a. India hmarchhak chungchanga a thil tawn hrang hrangte a sawi bakah hmasawnna chak taka kalpui a nih avangin India hmarchhak hi hnufual bik a ngaih theih a ni tawh lo a ti bawk. Khuallian chuan tunlai khawvela harsatna tamtak chinfelna atan thiamna inpeizawna intanpui tawn a pawimawh tih a sawi bawk.
Khualzahawm Pu Joseph Lalhimpuia MLA, Mizoram Legislative Assembly chuan India hmarchhak hi hnam hrang hrang tamtak awmna a ni tih sawiin he bial hmasawnna atana Sorkar Laipui hmalakna hrang hrangte a sawi lang a. Look East Policy hi India hmarchhaka modernisation thlentu hmanraw pawimawh tak a ni tih a sawi rualin changkanna leh hmasawnna atana ruahmanna thenkhat erawh chu uluk zawka ngaihtuaha ennawn a tul tih a sawi.
He Seminar hawnna inkhawm hi Vanlaltanpuia, Deptt. of Philosophy, Pachhunga University College in a kaihruai a. Prof. Tlanglawma, MZU Pro- Vice Chanchellor lo ni tawhin Presidential Speech sawiin Prof. S. Shyamkishore Singh chuan kalkhawmte lawmna thu a sawi a. Khualzahawm pakhat zawk Prof. Shubhada Joshi, HOD, Deptt. of Philosophy, Mumbai University hnen atangin thusawi ngaihthlak a nih bakah Dr. Jayanta Sarkar, Anthropological Survey of India-a Director lo ni tawh hnen atangin Keynote Speech ngaihthlak a ni bawk.
Khualzahawm Pu Joseph Lalhimpuia MLA, Mizoram Legislative Assembly chuan India hmarchhak hi hnam hrang hrang tamtak awmna a ni tih sawiin he bial hmasawnna atana Sorkar Laipui hmalakna hrang hrangte a sawi lang a. Look East Policy hi India hmarchhaka modernisation thlentu hmanraw pawimawh tak a ni tih a sawi rualin changkanna leh hmasawnna atana ruahmanna thenkhat erawh chu uluk zawka ngaihtuaha ennawn a tul tih a sawi.
He Seminar hawnna inkhawm hi Vanlaltanpuia, Deptt. of Philosophy, Pachhunga University College in a kaihruai a. Prof. Tlanglawma, MZU Pro- Vice Chanchellor lo ni tawhin Presidential Speech sawiin Prof. S. Shyamkishore Singh chuan kalkhawmte lawmna thu a sawi a. Khualzahawm pakhat zawk Prof. Shubhada Joshi, HOD, Deptt. of Philosophy, Mumbai University hnen atangin thusawi ngaihthlak a nih bakah Dr. Jayanta Sarkar, Anthropological Survey of India-a Director lo ni tawh hnen atangin Keynote Speech ngaihthlak a ni bawk.
