4491/2025-2026

Aizawl the 16th February, 2026 : Aizawl District Bawrhsap Er. Lalhriatpuia chuan Food, Civil Supplies & Canosumer Affairs Department, Govt. of Mizoram Atanga an thu hmuh bawhzuiin a hnuaia tarlan ang hian hriattirna a chhuah.

Department of Food, Civil Supplies & Consumer Affairs, Govt, of Mizoram atanga kan thu hmuh angin February 2026 atang hian IOCL Company-a hnathawk ten LPG connection nei zawng zawng te dan ang takin gas an hman leh hman loh te, a him tawk leh tawk loh te an in theuh ah kal chilh in an enfiah dawn a. Hemi atan hian a thlawna gas connection hmang (PMUY customers) te hnen atangin service charge GST telin ₹59/- (cheng sawmnga pakua) leh connection pangngai hmang (non-PMUY customers) te hnen atangin service charge GST telin ₹236/- (cheng zahnih sawmthum paruk) an la dawn a ni. Inspection titute hian uniform ha in, ID an awrh bawk tur a ni e.