Vawiin chhun khan I&PR Director Pu Jim K. Chozah chuan Saiha I&PRO office chamber ah Tualchhung thuthar thehdarhtute a kawm.
Pu Jim K.Chozah chuan Saiha District MJA ten Saiha I&PRO leh staff te an lo tawiawmna leh an thawhpuina ah lawmawm a tihtakzet thu a sawi. Mizoram ah Media te leh I&PR Department inkar thawhhona a tha in a nuam hle a, hetia inthlung nghet tak kan nih avang hian kan inkarah boruak tha lo awm thei lakah pawh rilru zau tak leh hriatthiamna kan put tawn zel a tul a ni, a ti.
Media role a pawimawh rualin kan zahawmna te lo lanna chu kan mawhphurhna hlen hian a ni tiin, nitin chanchinbu chhuah leh enkawlna kawngah tun aia nasa zawka tanlak a tul thu sawiin I&PR Director chuan Media te hmasawnna leh hamthatna hi sawrkar in a ngai pawimawh a, chumi rual chuan a ti tak tak te chauh in nihlawhna an chang thin tih hriain dan te pawh sorkar in a duangin a pawm vek tawh a, reilote ah hman thuai a nih a beisei thu a sawi.
He hunah hian Media te nen zau taka inkawmna neiin I&PR leh Media te hmasawnna leh thawhhona tha a awm zel theihna tur sawihona leh inkawmhona neih zui nghal a ni. Director I&PR hi Pu N.Vabeiratlua I&PRO Saiha in a tawiawm a ni.
