Vawiin ah khan Governor Lt. Gen. Nirbhay Sharma, PVSM, UYSM, AVSM, VSM (Retd) chuan khan India President hlui Dr.A.P.J. Abdul Kalam(L) thihna in a thawn thu leh a ui thu a sawi.

Governor chuan India President lo ni tawh leh mi ropui tak Dr.A.P.J. Abdul Kalam kan chanta tih ka hriat hian ka rilru a tina in pawi ka ti tak zet a. ‘Mipui te President’ an tih khawp hial a mi zawng zawng ngaihnat hlawh, Scientist ropui chungchuang, ram leh hnam hmangaihtu kan zinga awm ta lo hi India tan chuan channa nasa tak a ni. Ram tana a thiltih ropui tak tak avangte hian India khua leh tui zawng zawng te thinlungah a thi tawh ngai lovang.

Kum 2005 leh 2006 a Mizoram rawn tlawh tawh, Mizo Mipui in an ngaihnat em em, Dr.A.P.J. Abdul Kalam chhungte zawng zawng te kei leh Mizo mipui te hian kan tuarpui tak zet a ni tia sawiin, Pathian in he channa nasa tak hi tawrh dan kan thiam theihna turin min tanpui theuh rawh se a ti a ni.

 

Attachment

  • Loading attachment...