Vawiin khan Champhai District Bharat Scouts and Guides chuan Refresher Course leh member thar te lakluhna hun Champhai I&PR Conference Hall-ah an hmang a. He hun hi State headquarters atangin Pi Saizampuii, Joint State Secretary, Mizoram Bharat Scouts and Guides leh SYS Department-a a Youth Welfare Officer, leh Pi Lalnunsiami Pachuau, ASOC (G) Mizoram Bharat Scouts and Guides leh Organizer Guide, SYS Department ten rawn hmanpuiin, Pu Lalngilneia Colney, District Secretary & District Sport and Youth Officer chuan hun hi a kaihruai a ni.

He refresher course ah hian Scouts and Guides movement chungchanga hriat tur tul te in zirtirna hunhman a ni a. District chhunga he movement hi tangkaia kalpui dan tur te sawiho a ni bawk a. ni. Chawhnu lamah investiture neih a ni a, Scout wing hi Pu C. Lalbiakzauva, Dist. Commissioner (Scout) leh SDEO Champhai ni bawk chuan Thutiam sawi tirin in a lawm lut a, Guide Wing hi Pi Saizampuii Joint State Secretary, chuan a lawm lut bawk.

Vawiin hian District Headquarters Commissioner, Asst. District Commissioner leh Co-obted member atan lakluh an ni a. He chanvo an chelh tur hi kum 5 chhung atan a ni ang.

 

Attachment

  • Loading attachment...