Ruahman lawk tawh angin North Tripura District Naisingpara Camp-a (Kashitampur RR Camp) Bru awmte Mizoram mi diktak an nih leh nih loh endik hna chu vawiin dar 11 atang khan Mizoram Bru Displaced People Forum (MBDPF) office Naisingpara Relief Camp ah tan a ni.

7th Batch Bru Repatriation atana Reang(Bru) endik hna thawk tur hian Mamit, Kolasib leh Lunglei District atang SDC te kalin, Tripura sorkar atang Kanchanpur SDM aiawh pahnih an kal bawk. Nasingpara Camp ah hian chhungkua 2469 an awm mek a, vawiin 28thJuly, 2015 atanga 5th August, 2015 thleng endik hna hi thawh a ni ang. Ruahman lawk dan chuan North Tripura Transit Camp paruka Mizoram Reang(Bru) awmte hi a intahtawl a laklet tum a ni a, endik hna hi Camp pali ah neih tawh niin tumah inlan an awmlo a. Vawiin pawh hian tumah in lan an awm lo a ni.