Horticulture Department, Mamit district chuan NLUP tanpuina 2nd phase Last instalment Kuhva, Serthlum leh Lakhuihthei chingtute hnenah sem a ni.

Tanpuina hi Mamit Constituency-a khaw 10- ah Kuhva thlangtu chhungkaw 238, Serthlum thlangtu chhungkaw 14 leh Lakhuihthei thlangtu chhungkaw 5 te hnenah Rs 86,77,000.00/- semchhuah a ni a.

Hachhek Constituency a khaw 13 ah Kuhva thlangtu chhungkaw 133, Serthlum thlangtu chhungkaw 60 leh Lakhuihthei thlangtu chhungkaw 22 te hnenah Rs. 72,18,500.00/- sem chhuah niin Dampa Constituency huam chhunga khaw 20 ah Kuhva thlangtu chhungkaw 286, Serthlum thlangtu chhungkaw 100 leh Lakhuihthei thlangtu chhungkaw 20 te hnenah Rs. 1,37,38,000.00/- semchhuah a ni bawk.

NLUP tanpuina hi a dawngtute khua atangin bank awmna a hlat deuh avangin pawisa faia pekchhuah an ni.