Information & Public Relation Department leh Mizoram Journalists Association te chuan nimin khan Rajiv Gandhi Stadium, Mualpui-ah football friendly match an khel.

Parliamentary Secretary leh Mizoram Football Association President ni bawk Pu Lal Thanzara'n he hun hi hmanpuiin, MJA leh I&PR Department chu inkawp tlat anih thu sawiin, sawrkar leh mipui inkar a hriattur pawimawh tak tak puangchhuak thin tu an ni a, he match hian an thawh hona a tih that leh zual ngei a beisei thu a sawi a. Rajiv Gandhi stadium chu changtlung zawka chei zel anih tur thu a tarlang bawk.

He friendly match ah hian hun pangngaiah 2-2 a inhnehtawkin I&PR Department chu penalty shootout-ah 5-4 in an chak a. Tlaiah chawhlui kil hona neiin inpawh tawn taka hun hman a ni.