Rs. 2,82,660/- seng a sak Hunthar Volleyball Court chu vawiin chawhma khan Parliamentary Secretary to Chief Minister leh bialtu MLA nibawk PuLal Thanzara’n a hawng.
Volleyball Court hawngtu Pu Lal Thanzara chuan volleyball thiam vengin a volleyball court tha tak an nei ta chu lawmawm a tih thusawiin, an Fund hmuhte tha taka an hmang chu lawmawm a tih thu a sawi bawk. Infiammite chu sportsmanship spirit tha tak nei tur leh ruihlo, zuk leh hmuam laka fihlim tlat turin a chah bawk.
He Volleyball Court hi MLA Fund atanga bialtu MLA Pu Lal Thanzara pek a ni a, sum hmuh zat hi Rs. 2,50,000/- niin sum hman zawng zawng hi Rs. 2,82,660/- a ni. He Court sakna atan hian vengchhung mipuite leh mi in phal tak tak ten tha leh zung an thawh hnem hle a ni. He Court hi a dung 48m niin a vang 16m a ni.
He hunah hian Hunthar veng volleyball player boral ta te sunna hun hman a ni a. Pu Lalmalsawma, Mizoram Volleyball Association President leh All India Volleyball Association Vice-President nibawk chuan a hmanpui bawk a ni.
