Vawiin chhun khan MJA General Hqrs. hruaitu thar te leh I&PR officer-te chuan I&PR Conference Hall-ah inkawmhona hun an hmang.

He hun hi I&PR Director Pu Jim K.Chozah chuan a kaihruai a. MJA hruaitu thar te lawmpuina hlanin, lungrual taka thawh ho puiah a sawm a. MJA President thar Vanlalrema Vantawl pawhin I&PR Department nena thawh hona tha tak an neih thin chu chhawm nun zel tul a tih thu a sawi bawk.

Mizoram chhunga Sorkar hmalakna a hmunhma ngei a tlawh thin te, mipui mimir te hriattur a a zau thei ang bera puanzar chu thil tangkai nia an ngaihthu te, media-te tana Seminar/Workshop buatsaih tha an tih thu te, sorkar advertisement leh Press tour chungchang bakah I&PR leh Journalist te hmasawnna tur thil pawimawh ni a an ngaihte huam zau takin an sawi hova. I&PR Director chuan chanchinbu leh media hrang hranga Bru emaw Tuikuk tia puanzar thin hi sorkar laipuiin a pawm mek dan, Reang emaw Reang(Bru) emaw tia ziak leh chhuah thin turin a ngen a ni.

He inkawmhona hunah hian MJA Office Bearers leh Executive Committee-te, MJA President hlui Pu K.Sapdanga leh Pu Lalbiakthanga Pachuau te bakah I&PR Officer- te an tel a ni.