I & PR Minister Pu Zodintluanga hovin vawiin khan I & PR Auditorium-ah I&PR officer te leh MJA member ten Advance Krismas an hmang.

Pu Zodintluanga chuan MJA member te leh Department officer te Krismas leh Kumthar duhsakna hlanin, chanchinbu miten Sorkar tha taka an tawiawm avang te, mipui tana thil tha huai taka an ziah thin avangte leh thenawm state te nen harsatna a awm changa mipui tana an hmalakna te chu lawmawm leh ropui a ti a. I & PR Department officer ten Press Release bakah Sorkar leh mipui inkara inpawhna tha zawk ah awm theih nan Public Relations hmanga an hnathawh chu tha a tih thu Minister chuan a sawi bawk a ni.

He hunah thusawitu dang MJA President Pu H Zosangliana chuan Sorkar in chanchinbu mite tan felfai leh huam zau zawka Mizo Journalists Welfare Society kalhmang a duang chu lawmthu a sawi a. Chanchinbu mite tan Press Tour, Workshop leh Project Site Visit te buatsaih a ni thin chu an mahni aia mipui ten an hlawkpui thu leh hmasawnna hna, mipui te zau zawka an hriat theina kawngah thil tha tak anih thu a sawi. Pu Zosangliana chuan MJA member ten awn nei lova mipui rawngbawl hna chanchinbu hmanga an kalpui chu fakawm tiin dan chu lal ber se a ti.

I & PR Director Pu Jim K Chozah chuan MJA leh I &PR Department in thawh hona tha tak an neih vangin leh Department hmalakna te MJA in an tawiawm that em avangin lawmthu a sawi a ni. Programme hi MISA Presiden Pu David L Thangliana’n kaihruaiin MJA General Secretary Pu R Lalhmangaihzuala’n hunserh a hmang bawk a ni.

Attachment

  • Loading attachment...