Vawiin khan Pu Lalruatkima, Information & Public Relations Department, Minister chuan Vanapa Hall ah Book Fest cum Writers Meet a hmanpui.

Mizo Writers Association buatsaih Book Fest cum Writers Meet ah hian Pu Lalruatkima, Information & Public Relations Department, Minister chuan 8th Schedule-a Mizo tawng telh chungchang hi pawl thenkhat in doda! thin mahse, Mizo tawng hi telh a nih theih nana ngaihtuah tlan a ngai a ni a ti. Hemi kawng ah hian Mizo literature a darh zau theihna turin ziak mite a sawma a . Thenawm ram hrang hranga Zohnahthlak awmte pawhin Mizo tawng a thuziak te an chhiar tam theih nan hmalak a ngai a ni a ti. Lehkhabu ziah te hi hlawk lo thin mahse, chhunzawm zel a, Mizo literature te hlu zawka siam turin tan lak a ngaih thu leh lehkha chhiar tam a pawimawh thu a sawi bawk a ni. Book Fest cum Writers Meet hmanna ah hian Pu Lalruakima chuan lehkhabu 4 a tlangzarh nghal.

12th August 2019 atanga tan Book Fest cum Writers Meet neih chhung hian Mizo tawnga ziak leh lehlin lehkhabu 21 tlangzarh a ni a, ziakmi 44 ten an lehkhabu ziah pho chhuakin, a vaiin lehkhabu 871 mipuite tan pho chhuah a ni. Book Fest cum Writers Meet hi naktukah zawhfel a ni ang.