Vawiin khan I&PR Minister Pu Lal Thanzara hovin ama office chamber-ah kumthar thingpui inhona neih pahin I&PR Director Pu David L. Thangliana, Jt. Director Pi Lallianpuii leh Officers dangte nen Department hmalakna hrang hrang bakah hmasawnna tur an sawiho.

Vawiin meeting-a I&PR Department hmalak zelna tur an sawiho zingah - Mizoram calendar leh diary te chu mipui mamawhna a nasat avangin a copy hi chhut belh nise, hemi atan a sum mamawh belh pawh sorkar-ah thlen nise tih te; MIS Service Rules-a awm sa Reserved post-9 te chu hnawh khah phal nise; Digital Archive/Data Centre leh IT Cell changtlung tak neih leh District I&PR Office leh Officer Quarter thawmthat ngai leh quarter awm lohnaa hmalak dan tur te a tel a. I&PR Department kaltlanga tihchhuah thin - ‘Mizoram Hmasawnna Lamtluang’ leh ‘I Sawrkar’ - chu mipuiin an hlut tih hriat a nih avangin zau leh tha zawka hmalak dan turte sawiho a ni bawk.