Assam Rifles bultuma Mizoram atanga National Integration Tour atana zirlai thlanchhuah 18 leh zirtirtu 2-te chuan January ni 23 khan New Delhi an thleng a. Nimin January ni 31 khan Rashtrapati Bhawan, New Delhi-ah India President Ram Nath Kovind nen thingpui inhona leh inkawmhona an nei a, India President chuan zirlaite chu lawmin an lehkha zirna kawngah leh nakin hunah an eizawnna turah theihtawp chhuah zel turin a fuih a ni.

National Integration Tour-a zin zirlaite chu Museum leh hmun pawimawh dangte tlawhpui an nih bakah January ni 25-a Rajpath-a Republic Day Parade enpui an ni bawk. Heng zirlaite hian MoS for Home Affairs Pu Kiren Rijju nen pawh inkawmna nei thei tura ruahman a ni a. February ni 4 khian Aizawl lo thleng leh tura beisei an ni.