1430/2026-2027

Aizawl the 17th July, 2026: Nimin khan IPRP&S Minister Pu B.Lalchhanzova'n Rotary Club of Aizawl Hruaitu dahnghehna hun vawi 35 na chu RB McCabe Hall, Aijal Club ah khuallian niin a hmanpui.

Pu B.Lalchhanzova chuan thu sawiin Social worker anih angin Rotary club hnathawh te chu a rilrem zawng leh a ngaihlut zawng tak ani ati. Minister chuan Rotary club thupui Mahni aia rawngbawlna dah hmasak tih chu a Pathian thu hle a Rotary Club chu Pathian rawngbawlna tha tak anih thu a sawi. Minister chuan Rotary club Aizawl member te chu thalaite, zirlaite, rualbanlote, kum upa te leh harsatna bik neite chu an ngaihtuahna laimu changtu nise a duh thu sawiin Mizoram tan theihtawp chhuah turin a chah.

Rotary Club of Aizawl hi 1992 a din niin mipui rawngbawlna ah an thawh hlawk hle a. Zemabawk Cancer Hospital ah damlo puihna pek te, School ah Smart board pek te, thingphun te leh cancer chungchanga in zirtirna te kum kalta chhung khan an kalpui a ni. Rotary International hi 1905 a bultan niin khawvel pumah  club 33000 vel awmin member maktaduai 1.4 an awm mek ani. Kum 2026/27 chhunga Rotary Club of Aizawl President ah Pi Zoe Lalrinpuii John leh General Secretary ah Pu Anshuman Lalremruata Bhuyan chu General Secretary atan dah ngheh anni.