No.1719/2021-2022

Aizawl the 6th August, 2021 : Vawiin khan Information & Public Relations Minsiter Pu Lalruatkima chuan MJA aiawhin an Office Bearer-te leh national media correspondents te chu ama office chamber-ah kokhawmin, tun hnaia ramri buaina chungchangah Mizorama chanchinthar lak khawm leh thehdarh thintu media zawng zawngten sorkar hmalaknate theihtawpa an thlawp thinna chungah lawmthu a sawi a. Niminah Assam Minister-te lo zinin Mizoram nen 'Joint Statement' siamin hming an ziak a, hemi rah duhawm tak pawh hmuh chhoh zel a beiseiawm a ni a ti. Hun lo kal zelah pawh sorkar hmalakna hrang hrang leh mipui hrilhhriatna kawngah sorkar nena thawhhona tha leh theihtawp chhuahpui zel turin a sawm.

Vawiin I&PR Minister leh media te inkawmhonaah Mizoram Chief Secretary Pu Lalnunmawia Chuaungo pawh telin, media-ten ramri buaina chungchangah nasa takin sorkar hmalaknate tawiawmin, mipuite hriat tur thu pawimawh puanzarna lamah theihtawp an lo chhuah thinnaah lawmthu a sawi bawk a ni.