No.2644/2021-2022

Aizawl the 19th October, 2021 : Tukin khan Information and Public Relations Minister leh Bialtu MLA nibawk Pu Lalruatkima chuan Tuikual North kawngpui lungrem chim a hmunah enin siamthat dan tur leh hmalak dantur pawimawh te  PWD Engineer in Chief bakah Local Council Member te nen an en ho.

Tuikual North hi Aizawl Road South PWD Division niin, lungrem chim hi a bul hnaia chengte tan leh kawngkal motor te tan a him tawkloh avangin a rang lama hmalak tum a ni a, a tul anga senso endik leh nise tiin Minister chuan a sawi a. 

Lungrem chim hi hmun hnihah niin, a vai hian metre 35 a sei a ni a. July thla khan metre 14 a sei, metre 8 a sang lungrem chim hmasa in, September khan metre 21 a sei, metre 6 vela sang a chim leh a ni.

Hemi bakah hian Minister Pu Lalruatkima chuan Vaivakawn Zohnuai Thlanmual bul kawng, National Highway 54 tlawh pawh theih tura siam mek a hmunah tlawhin hnathawh tawh te a enfiah a. He kawng siam thar hi metre 430 a sei a ni a, cement flooring tih mek a ni a, hna za zela sawmsarih vel thawh zawh tawh a ni a. Nikum April thla atanga hna thawh tan niin, Covid-19 hripui len vanglaiin thawh chhunzawm loh chu tun hnai hian chak taka hna thawh chhunzawm leh mek a ni a, retaining wall leh culvert te siam ngai a la ni bawk a ni.

Minister hi AMC councillor Pu Lalfakzuala Chenkual leh midangten an tawiawm a ni.