No.2250/2021-2022 


Aizawl, 15th September  2021 : Vawiin khan Hrangbana College Student Union buatsaihin HBC zirlai lut tharte lawmna Freshers Social leh college Magazine release function & Felicitation Programme chu Hrangbana college Golden hall-ah hman a ni a. Pu Lalruatkima I&PR Minister chu khuallian a ni.

Zirlaite fuihna thu sawiin Minister chuan school uniform ha thin khan zalen takin college zirna in an rap tawh dawn a, fimkhur taka nun hmang chho turin a fuih a.  Hma lam hun atan tum fel tak insiam a, chumi ti hlawhtling tura  tumruhna leh chhelna nen an hun hmang a, nu leh pa te beiseina  tih hlawhtlin ngei tum turin a chah a ni.  Pu Ruatkima chuan All India leh central service lama țan lak thar a țul zia sawiin hemi lama Mizo tam zawk an luh theih nan zirlai te chu theihtawp chhuaha țan la turin a fuih a. College Magazine 2021 "Zunleng" a tlangzarh nghal a ni.

Vawiina Freshers Social ah hian zirlai tithate chawimawina hun hman a ni a. MZU 2020-2021 UG Gold Medalist Nl.Lalthazuali Commerce Department chu Alumni Award leh R.Zatlaia Award hlan a ni a. Department hrang hranga top ten mi 23 hnenah Hrangbana Awards hlan a ni bawk a. Hei bakah hian HBC atanga pension tawh la famte hnenah ngaihhruina thilpek hlan a ni bawk.

Vawiin function hi Dr.H.Lalzuithangin a kaihruai a. Hrangbana College Principal Pu Lalrochuanga Pachuau leh Alumni President Pu JK Dawngzuala te bakah Pi H.Lalzari Associate Professor te pawhin thusawina hun an hmang a ni.

Attachment

  • Loading attachment...