DIRECTORATE OF INFORMATION & PUBLIC RELATIONS, Government of Mizoram, India

No.2251/2021-2022

Aizawl the 16th September, 2021 : Vawiin khan Deputy Chief Minister leh PHED Minister ni bawk Pu Tawnluia chu PHED Ministers' Conference of North Eastern States on Jal Jeevan Mission ah telin, he hunah hian Mizoram chhunga Jal Jeevan Mission hnuaia hmalakna hrang hrang te tarlanna hun a hmang a. He conference hi Ministry of Jal Shakti bultum niin, Administrative Staff College, Guwahati-ah hman a ni.

PHED Minister Pu Tawnluia chuan Ministry of Jal Shakti chungah lawmthu sawiin, Mizoram sawrkar aiawha Conference-a tel tura sawm a nih chu lawmawm a tih thu leh Northeast state a PHED Minister te chibai a buk a. Deputy Chief Minister chuan Mizoram chhungah August ni 31, 2021 thleng khan mihring chenna (habitation) khua hmun 722 ah chenna in (household) 133132 a awm thu a tarlang a, in 58869-ah FHTC (Functional Household Tap Connection) siam a nih tawh thu a sawi a. Financial Year 2021-22 chhung hian in 40,000 ah FHTC siam tum a nih thu leh a bak in 34,263 te chu kum 2022-23 chhunga FHTC neihtir tum a nih thu a sawi a. Kum kal ta 2019-20 chhung khan Jal Jeevan Mission hnuaiah schemes 228 zawh a nih thu leh Rs 88.17 crore hman a nih thu sawiin, central sawrkar chuan Rs. 68.50 crore hemi kum atan hian a sanction a, hemi bakah hian state sawrkar chuan 10% leh khawtualin 5% matching share an neih thu tarlangin, avaiin Rs 78.60 crore hmuh a ni a, Rs 9.57 crore in a deficit a ni, tiin a sawi a.

Minister chuan kum 2020-21 chhungin schemes 110 chu Rs 135.50 crore a zawh a ni a, hemi kum pawh hian deficit balance Rs 18.65 crore a awm thu tarlangin, kum 2021-22 ah 497 schemes propose a ni a, hemi atan hian Rs 754.93 crore estimate a ni a, central sawrkar chuan Rs 303.89 crore rawn allocate in, state leh khawtualin an marching share an pek hnuah pawh Rs 342.389 crore fund hman tur a awm chauh thu tarlangin, Rs 412.541 crore deficit a nih tur thu a sawi a.

Pu Tawnluia chuan FHTC hi za ah za kum 2022-23 a tih hlawhtlin a nih dawn chuan a lo berah Rs 477.695 crore sawrkar chuan household 34263 tan a mamawh dawn a ni tih a tarlan bakah Rs 440.761 crore chu a hma kum deficit amount kal zel hnawhkhah nan mamawh a ni dawn a. Heng zawng zawng belh khawm hian Kum 2022-23 atana mamawh belhkhawm hi Rs 918.456 crore a ni tiin a sawi.

PHED Minister Pu Tawnluia chuan Jal Jeewan Mission in a tum za ah za tih hlawhtlin a nih theihnan state sawrkar mamawh te union ministry in theihtawp chhuahpui turin a ngen a, ministry in a hun taka pawisa (fund) state sawrkar a pek chuan Jal Jeewan Mission in tum hi Mizoram-ah tih hlawhtlin a ni ngei ang tih a sawi a ni.

Nikhat awh conference hi session hnih a then a ni a. Session khatna ah hian Digital Governance in JJM and service delivery leh Decentralised planning, community mobilization and preparation of Village Action Plans te ngaihthlak a ni a. Session hnihna ah hian Status of Implementation of JJM in Northeast leh thildang te ngaihthlak a ni.

Deputy Chief Minister hi PHE Department officials leh midangten an tawi awm a ni.

Attachment