No.1953/2021-2022

Aizawl 22nd August 2021: Vawiin khan Information & Public Relations Minister leh bialtu MLA nibawk Pu Lalruatkima chuan Aizawl West-II huamchhunga veng hrang hrang Tuikual South, Tuikual North, Dinthar, Dawrpui Vengthar, Vaivakawn leh Kanan LLTF te kutah Oxygen Concentrator pahnih theuh a hlan a, pawisa fai Rs 50000/- theuh a hlan bawk.

He hun hi Multipurpose Sport Hall, Aizawl West Joint YMA Field-ah hman a ni a, Oxygen Concentrator-te hi India Formosa Foundation atanga dawn a ni.

Minister Pu Lalruatkima chuan khawvelin hun harsa tak a tawh karah chhuanchham an awm ang tih hi sorkarin a hlau hle a. Chhuanchham awm lohna turin sorkar, LLTF, Kohhran leh mipuite te kan tangtlang a. Kan tan tlanna avangin chhuanchham em chu kan la awm lo niin kan hria a. A lawmawm tak zet a ni, a ti a. Hetiang kan nih theih chhan hi Pathian malsawmna leh kan tanrualna rah a ni,a ti a. Kan tanrual rah a lang chho mek niin a sawi bawk.

I&PR Minister chuan Supply Department lam pawh an tang nasa hle a. Kawt kaiah gas kan la la reng thei a, buhfai ah harsatna a awmlo te hi a lawmawm hle a ni a ti a. He hri lakah hian kan fimkhur reng a ngai tak zet a, mitinte'n sorkar dan siamte zawmin fimkhur takin nun i hmang zel ila; vaccine lak hi mimal himna a nih piah lamah kan bula awmte himna a ni tih hriat a tul a ni tiin a sawi a. Vaccine la vek turin mipuite a chah nawn leh bawk a ni.

Minister hi Pu R. Thanglura, Deputy Mayor, Pu Lalfakzuala Chenkual, AMC Councillor leh midangten an tawiawm a ni.