Vawiin khan Information and Public Relations Department hnuaia officer-te chuan an Director Pi Lallianpuii kaihhruaiin Director pisa, Aizawlah infuihtharna hun an hmang.

Director Pi Lallianpuii chuan I&PR Officer-te chu Mizoram hmun hrang hranga post darh an nih avangin chak leh tha lehzual zawka mipui rawngbawl hna an thawh theihna turin inhmuhkhawm a, infuihtharna hun hman leh hma an lak dante inhrilhtawnna hun remchang buatsaih a ni, a ti a. I&PR Department chu  mipui leh sawrkar inkara palai hna thawktu, sawrkar thuchhuak puangzartu, sawrkar hmalakna leh scheme-te tangkai taka a chhawrtu tur mipuiin an chhawr theih nana zirtira hrilhhriat hna thawktu an nih angin an hnathawh pawimawhzia hriaa tan la lehzual turin Director chuan officer-te a fuih a ni.

I&PR officer meeting-ah hian Directorate leh District hrang hrang atangin officer-te an tel a. Kum chanve chhunga I&PR Department hna  thawh dan hrang hrangte thlir let niin chak zawka thawh dan tur sawiho a ni a. District hrang hrang atanga lo kal officer-ten an hmalakna leh hnathawh dan report an pek bakah hmasawn an ngaihna lai nia an hriatte an sawi ho bawk a ni.

Attachment

  • Loading attachment...