Pu Rodingliana Chawngthu, Sr. Superintendent of Police, Traffic chuan Mizoram State Sorkar Notification No.B.12021/10/04-TRP Dt.22.8.2008 leh Section 115 of MV Act, 1988 in thuneihna a pek ang leh Durtlang Leitan Local Council ten ngenna an siam bawhzui in, mipuite him zawk nan leh remchan zawk nan Durtlang Leitan kawn leh Presbyterian Kohhran Leitan Biakin inkar lirthei tlan dan tur ruahmanna thar a hnuai ami ang hian a siam.

Presbyterian Kohhran Leitan Biak in atanga Durtlang Leitan kawn inkarah Zing 8:00 AM atanga 9:30 AM leh Tlai lam 3:00 PM atanga 4:30 PM chhungin Two Wheeler tiam lovin lirthei engchi mah chhuk zawnga tlan phal a ni lo. Presbyterian Biakin atanga Leitan lam he hun chhunga kal duh chuan Durtlang, Motor in herna lam panin Leitan lam ah an kal thei ang.

He thupek hian chhiatrupna thil, kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lovang.