Vawiin khan I & PR Director Pu David L Thangliana kaihhruaina in I & PR Office ah  Aizawla Electronics Media hotu te leh Information Officer te’n  an hnathawhho chungchang sawia inkawmkhawmna hun tha tak an nei.

Sorkar leh Mizote tana hnathawk  leh inkungkaih reng thin an nih avanga tha zawk leh  rualkhai zawka  an thawh ho zel theih nan Electronics  Media leh I & PR Officer  te chu  mipuite beng ber an nih avanga  inbiakpawh mai bakah inkawmho thin a tul thu Pu David L Thangliana chuan sawiin harsatna  sutkian  kawnga  inpuih tawn theihna  zawn leh  hmasawnna  tur zel atana infuihtawn a ngaih thu a sawi a. Chanchinthar puanzarna  lamah midangte hriatpui miah lohva harsatna leh sukukna  tawn kawngah te in hriatpui thin a ngaih thu a sawi bawk.

Remruatna hrang hrang leh hmalak ngaihna  te  inpawh taka  sawiho a ni a. Chung zingah chuan chawpchilh taka  programme  hriat hian a bangbo theih thin avangin a theih anga rangin hriat ni thei se  tih te, Security Pass ngaih  changa inpek hma theih te leh Electronics Media bika Advertisement rate bithliah that chungchang te  sawi ho a ni.

Sorkar thuchhuak hriat duh leh zawh duh  changa  lo chhang zung zung  leh   biak pawh  theih mai tur Government Spokesperson neih tha a an hriat thu leh thlalak leh thu inthawn zung zung theih dan tur remchang te pawh sawi ho a ni.

AIR hotu te chuan  Radio atanga puan chhuah  mai bakah  Facebook leh Twitter  ah te 24 hrs in thlir theih reng an ni  tiin  All India Radio Aizawl  ah lutin  Thuthar puan leh programme dang etc  a hun a en hman lo tan en theih tura dah reng  anih thu  an sawi a. Khawvel thangzelah  remchanna te um in Mizo leh  thlirtu dangte  lungawina tura  hmasawn zel dan tur te sawiho a ni a.

I & PR Department Director chuan  thingtlang leh hmun hla deuha  Sorkar Programme  puanzar zung zung theih nan Camera tha Wifi  man nghal thei turte Department in an hman  tan mek thu  sawiin  inkawm ho na tha tak an neih avanga lawmthu sawiin  an thuchhawp te thlir zui leh ennawn leh tura in hmuhkhawm  fo a ngaih thu a sawi bawk.

He meeting-ah hian Pi Lallianpuii, Joint Director, I &PR Senior Officer te bakah ZONET atangin Pu Laldingliana Sailo, DDK atangin Pu Vanlaltlana Varte, LPS atangin Pu C. Lalduhawma leh AIR atangin Pu S.K. Chanda leh Pu Gin Gangte te an tel a ni.