Vawiin khan D.C Conference Hall, Mamitah Ni 26 April 2018 a, Multi State  Mizoram, Tripura leh Nagaland ah te chhiatrupna thlen palh thulha chet lak dan tur Multi Mega Mock Drill neih tura Mamit khawpui chhunga chetlak dan tur sawihona Pi Lalbiaksangi District Bawrhsap hovin neih a ni.

Meeting kaihruaitu Pi Lalbiaksangi chuan Mamit khawpui chhunga sawrkar Department hrang hrangte leh Khawtlang hruaitu, tlawmngai pawl hrang hrangte chu kan hmalawka thleng thei reng leh a chin kan hriat loh chhiatrupna thlen thulha chiai mai lo leh awmze nei taka chhanchhuah hna kan thawh theihna tura kan  chhehvel state te nena multi mega mock drill neihna tura ruahmanna sawiho tura kalkhawm te chungah lawmthu a sawi a ni.

Meetingah hian Dr Lalrokima, Chenkual , Assistant Director DM&R chuan Lirnghing avanga chhiatrupna lo thlen thulh a, chetlak dan tur kan lo in zir lawk hian heng harsatna lo thlen thulhah chiai mai lova, chetlak turah min pui thei dawn a ni a ti, Dr Lalrokima chuan Kum 1897  khan kan  thenawm State  Shillong khuan lirnghing 8.7 magnitude a na an tawng tawh a, khang hunlai kha chuan Mizoram chu in leh lo ah pawh tun ang nilovin mau rap in te kan la ni hlawm a, tun dinhmun chuan  heng anga na hian han sawi leh ta se Mizoram dinhmun chu kan insak dan han en mai pawh hian hmun hlauawm ah kan ding thei a ni a ti. Mock drill neihna tur atana in buatsaih dan tur hrang hrang a lem nen kalkhawmte zirtirna a nei nghal bawk a ni.

Vawiin meeting  hian ni 26 April-a  Mamit khawpui chhunga Mega Mock Drill neihna hmun tur Mamit Hospital, Bazar shed Building Field veng leh Bazar veng,  te bakah Govt Mamit High School te thlan a ni. Staging Area atan hian GSA playground, Field veng chu hman a ni bawk ang.

He chhiatrupna lo thlen thulha chetlakna turah hian mawhphurhna hrang hrang leh chanvo te Department hrang hrang te in siam nghal a ni.

Meeting-ah hian Mamit District Disaster  Management  Committee members te an tel tha hle a ni.