Vawiin chawhma khan SIPMIU Program Director Er. Valbuanga kaihhruaiin Aijal Club-ah Chite Lui chhanchhuah leh humhalhna tura hmalak zel dan tur Comprehensive Action Plan Phase-II ruangam sawihona neih a ni.

He meeting-ah hian Save Chite Lui Comprehensive Action Plan Phase-II hnuaia tihtur ruahmanna duanchhinte chu Mizoram sawrkara department hrang hrangte ngaihdan hre turin an hnenah thawn hmasak nise an ti a. Department hrang hrangte ngaihdan leh rawtna anga Action Plan Phase-II duanchhin chu siamthat a nih hnuah hman theih turin chhawpchhuah zui tura ruahman a ni.

Tun dinhmunah Save Chite Lui Coordination Committee hmalaknain Save Chite Lui Comprehensive Action Plan Phase-I kalpui mek a ni a. Hei hian mipui inzirtirna (awareness component) chauh a huam a, June thla thleng kalpui a ni ang. Chite luia hna tak tak thawhna chu Comprehensive Action Plan Phase-II ah kalpui a ni dawn a ni.

Vawiina thutkhawmah hian Aizawl Municipal Corporation (AMC), UD&PA Department, Aizawl DC hotute leh Central YMA aiawhte an tel a ni.

Attachment

  • Loading attachment...