Pi M. Zohmingthangi, IAS, I&PR Secretary chuan vawiin khan Kolasib Project veng-a IPRO Office sak mek chu a hmunah kalin a en a. Thawh zawh hun tura ruahman anga zawh a nih theih nan tihtur tul la awmte chu a thlir a, ama level atanga tihtur awm apiangte a bawhzui tur thu amah tawiawmtu Department mite chu a hrilh a ni.

Pi M. Zohmingthangi hi Kolasib IPRO Pi Lallianpuii leh Contractor Pu Lalhlira ten tawiawmin building sak chhoh a nih dan leh hmalak ngai nia an hriatte an lo hrilh a.Tun dinhmunah Building sak mek hi 75% thawh zawh tawh a ni a, hna hi chawl lova thawh mek reng a niin a tira ruahman ang chuan a zawh hun tur chu tun thla August hi a ni. Conference Hall tura ruahman chu a chung ceiling-ah felhlel awma hriain Secretary chuan a tul anga thawm that hna thawk nghal turin Contractor hi a hriattir a. I&PR ram pawh a rang thei anga hung (fencing) tih vat tha a tih thu Pi M. Zohmingthangi hian a sawi a, hei hi sawrkar pawhin a ngai pawimawh hle a ni, a ti a ni.