Vawin chawhma dar 10:30 khan Art & Culture Auditorium Lunglei ah Art & Culture Department leh Mizo Academy of Letters Jt. Hqrs Lunglei te buatsaih in ‘Thu leh hla a Liandal leh CS.Zawna te sulhnu’ Seminar neih a ni. Pu Lal Thanzara Parliamentary, Secretary chu Khuallian niin Pu C.Hrangdula President MAL Jt.Hqrs chuan inkhawm hi a kaihruai a ni.

Pu Lal Thanzara chuan Mizo fate zingah Pu Liandala leh Pu C.S.Zawna te hian sulhnu an ngah leh an chanchin thil ngaihnawm leh zir tlak tak tak a tam thu a sawi. Mi ropui chanchin leh kutchhuak zir chianna hun Art & Culture leh MAL in a buatsaih thin hi thangthar te tan a hlawk thlak hle a. Tun ah pawh thangthar la thalai tamtak ten thu leh hla a kut chhuak belhchian dawl tak tak an sual chhuak tan ta zel hi ram leh hnam rohlu siam na leh hnam hmasawnna anih thu a sawi ani. Computer age ah naupang leh thalai ten Computer leh TV an en peih lutuk hi thil pawitak a ni a ti a. Naupang zing ah lehkha chhiar leh chanchinbu pawh chhiar nachang hre lo an tam ta lutuk hi a pawi hle ani a ti a. Lehkhabu tha leh chanchinbute chhiar nachang kan thalai leh naupang ten an hriat theih nan nasa zawk a tan lak a ngai a ni a ti. Sawrkar in Zoram hmasawn nan theihtawp in hma a la mek a, NLUP a hlawhtlin theih na tur in khawtlang hian theihtawp kan chhuah a tul thu a sawi a. MAL pawh Sawrkar tawiawm tur a sawm in - an phungbawm na pawh a sawt hle tur thu a sawi bawk.

He Seminar ah hian Pu C.Lalnunchanga leh TC.Zonunsang a te chu Resource Person a tan hman an ni.