1013/2026-2027 

Dated Khawzawl, the 16th June 2026 : Nizan khan Information, Public Relations, Printing & Stationery (IPRP&S) Minister Pu B. Lalchhanzova'n YMA Zuchhip Branch, Khawzawl YMA Day vawi 91-na chu Zuchhip Branch YMA Hall-ah khuallian niin a hmanpui.

YMA Day lawmnaah hian khuallian Pu B. Lalchhanzova chuan thusawiin Zuchhip Branch YMA Day lawmnaa a tel thei chu lawmawm a tih thu a sawi a. Ruihhlo avanga thalai mual liam tawh tam tak an awm chu pawi a tih thu sawiin thalai kalkhawmte chu ruihhlo laka fihlim a, an thian kawmte pawh thlang fimkhur a, an nun uluk taka hmang a, kum 70 piancham tal lawm thlen tum turin a sawm a. Zuchhip naupang leh thalaite chu finna leh theihna tha tak an neih thu sawiin, khawtlang leh ram hmasawn nan lehkha zir kawngah nasa taka tan la thar turin a fuih bawk.

YMA Day lawmna inkhawm hi Branch YMA President Pu Robert Lalthlamuana’n a kaihruai a, Sub-Headquarters YMA President Pu PC Rosiama’n kumpuan thupui ‘ruihhlo do’ a sawi a. Branch Secretary hnen atangin report ngaihthlak a ni a, YMA thuthlung sawi rualna neih a nih bakah item hrang hrang ngaihthlak leh thlirho a ni.  YMA Day puala inelna an buatsaih hrang hrang result puan leh lawmman semna neih a ni bawk.