2507/2026-2027

Aizawl, the 5th October, 2026: Pu Sanjay Tripathi, Project Head, Myanmar Branch, IRCON International Ltd., chuan vawiin khan Mizoram Larsap General (Dr) Vijay Kumar Singh, PVSM, AVSM, YSM (Retd) chu Lok Bhavan, Aizawl-ah hmuin Kaladan Multi-Modal Transit Transport Project (KMMTTP) hnuaia Paletwa to Zorinpui inkalpawhna kawng km 109.2 siam meka hmalak tawh chin, hmachhawp leh harsatna awmte a sawipui.

He inkawmna hunah hian Larsap General (Dr) Vijay Kumar Singh chuan Kaladan Multi-Modal Transit Transport Project chu Sawrkar laipui project ngaih pawimawh leh ngaihtuah hmasak ngai a nih thu sawiin, hun engemawchen atang khan hmalaknate hun bi tuk aiin a tlai zel a, kan tih khawtlai zel a thiang tawh lova, a hlawhtlin ngei theih nan theihtawp chhuah a ngai a ni a ti. A hma thei ang bera zawh a nih theih nana tan la tura chahin, fur ruah tui hul veleh theihtawp chhuah turin a chah a. Mamawh leh tul angte a hnena thlen tura chahin, project zawhfel thuai theih nana theihtawp chhuah pui a inhuam thu a hrilh a ni.

He hunah hian Pu Sanjay Tripathi chuan  Paletwa-Zorinpui inkara an hmalak tawh chin leh hmachawpte, harsatna tawh leh pawimawh dangte PowerPoint Presentation hmangin Larsap hi a hrilh fiah a.Tun dinhmunah hna za zela 25% thawh zawh a nih tawh thu leh sum ruahman atanga za zela 30 hman a nih tawh thu a sawi bawk.