2506/2026-2027

Kolasib, the 5th of October, 2026: Vawiin khan Deputy Commissioner Conference Hall, Kolasibah Asian Games 2026 zawh taka Mizoram aṭanga gold medalist hockey player Lalremsiami Hmar hmuah dan tur leh a lawmna hun hman dan relin Pu H. Dolianbuaia, District Bawrksap hova thutkhawmna neih a ni a. Pu Lalfamkima, Deputy Speaker leh bialtu MLA nibawk hovin Kolasib Diakkawn YMA Hall-ah  a lawmna hun hman nise tiin rel a ni.

Kolasib Bawrhsap Pu H.Dolianbuaia chuan Mizo infiammi, infiamna lamah sang tak tak thlengpha mi engemawhzat an lo awm tawh thu a sawi a. Lalremsiami erawh a tleirawl hlim atangin vawiin thlengin infiamna lamah hmalam pan zelin hma a sawn zel thu a sawi a. Khawvel leh Asia khawmualpui dengchhuak khawpa infiamna Asian Games Women Hockey Championship-a gold medallist Mizo nula kan nei hi a chhuanawmin a ropui  hle a ni ati. Lalremsiami hi kan khawtlang, kan ram leh hnam min chawisangtu leh min tihmingthatu a nih thu a sawi a, amah lo hmuah hi a phu hle a ni a ti bawk.

Lalremsiami hmuahna hi October ni 6, 2026 Thawhlehni tlai dar 3:00 ah hian Hmawngkawthlir ah lo hmuah tura ruahman a ni a. Kolasib khawpui chhung fan kual pui ani ang a, chumi zawh ah Deputy Speaker Pu Lalfamkima hovin Kolasib Diakkawn YMA Hall-ah a lawmna hun hman a ni ang. Sawrkar official pawimawhte leh sports association zawng zawng aiawh, Sub Hqrs. YMA, Joint Village Council, MHIP, Kolasib Taxi leh Two-wheeler Association, DIET Kolasib zirlai te leh school naupang thlan bik aiawh te, bakah a duh apiangte tel tura sawm nise tih a ni.

Vawiina meeting-ah hian Pi. B.Malsawmtluangi Addl. DC; Pu Lalthawmmawia DSYO; Pu K. Lalthianghlima Addl SP; Pu H.Lalramliana, SDO (S); Pi Lalsiamliani DEO; Pi Lalnunpari Hmar DPO; Pu R. Lalzokima President Sub Hqrs. YMA; Pu Lalhmachhuana President  Jt.VC; Pu Zairemchhunga MJA; Kolasib Officers Club aiawh te; Sub Hqrs. MHIP aiawh te; KOBBA aiawh te, KDTWA Aiawh te; KDCA aiawh te; MTA aiawhte leh KDTTA aiawh te an tel.