2505/2026-2027

Champhai, dated the 5th October, 2026: Champhaiah Mizoram State Election Commission thuchhuak angin Vapar VC By-Election neih tur atan Summary Revision of Village Council Draft Electoral Rolls, 2026 chu District Election Officer Pu Mohammad Aaquib chuan vawiin chawhma dar 11:00 khan DC Conference Hall, Keifangtlangah tlangzarhin, Party aiawhte hnenah Draft Electoral Roll tlangzarh hi a hlan nghal a ni.

DEO Pu Mohammad Aaquib chuan Draft Roll buatsaih a nih chhan sawiin Vapar Village Council-ah hian elected VC member 5 an awm mek a, member zing ami B. Kangkhanliana, INC party chuan Sawrkar hna a hmuh thar tak avangin State Election Commission thuchhuak angin Summary Revision of Village Council Draft Electoral Rolls buatsaih a, By-Election hi neih ngai ta a ni tih a sawi a. Election Officer Pu Ngulzathuama pawhin Draft Electoral Roll buatsaih dan leh Final Roll neih tura hmalakna leh ruahhmanna te a tarlang bawk a ni.

Vawiina Draft Electoral Roll, 2026  tlangzarhin a tarlan danin Vapar VC (VC04049) ah hian Polling Stataion 1,  chhungkua 219 leh Vote nei mi 662 (Mipa 315 leh Hmeichhia 307) an awm a ni.

Ruahman danin October ni 5 atanga ni 15, 2026 chhungin Claims and Objection hun; Electoral Roll-a inthun, paih, insawn leh siam that dilna thehluh theih hun hawn a ni ang a. Dilna lutte chu October ni 16 atangin ni 23, 2026 hmain chinfel vek hman tum a ni a. October ni 24 atanga ni 31, 2026 chhungin Database-te siam that leh supplement-te chhutchhuah vek tur niin, Electoral Roll siamthat chu November Ni 2, 2026 ah tlangzarh tum a ni.

He hunah EO, ERO/AERO, DIPRO, BLA Vapar, Political Party hrang hrang (ZPM, MNF, INC, BJP) Champhai North Block, Sub-Hqrs YMA, MHIP, MUP leh MJA Champhai District aiawh hotute an tel a ni