2504/2026-2027

Lawngtlai, 5th October 2026: Vawiin khan January ni 1, 2026 tehfunga hmanga duan 'Village Council Draft Electoral Roll 2026' tlangzarh inkhawm chu DC Conference Hall- ah neih a ni a, District Election Officer leh Bawrhsap nibawk Pu Donny Lalruatsanga chuan a tlangzarh.

Pu Donny Lalruatsanga chuan kalkhawmte chibai bukin lawm taka 'Village Council Draft Electoral Roll 2026' a tlangzarh thu a sawi a.Democracy - ramah chuan mipuiin an aiawh an thlang thin a, mi dik leh tha thlanchhuah a pawimawh rualin, vote nei tur dik takte chauh in vote an thlak a pawimawh hle a ti.

Electoral Roll- a vawikhat in dah luh a nih tawh chuan in paih leh mai chu thil harsa tak a ni a, chuvang chuan electoral roll-a inthun dawn hian fimkhur a tul hle tiin Political Party - te pawh ram leh hnam hmangaih taka thawk tur leh Official- te lo venpui turin a sawm a ni.

DEO chuan Village Council Member-te chu khawtlang hmasawnnaa a bulthuta hnathawktu tur an nih avangin an pawimawh em em a, mi dik leh tha thlanchhuah an nih theih nan mipuite pawhin rilru fim tak hmang se a duh thu a sawi a. Tluang taka Final Roll- tlangzarh a nih theih nana theihtawp chhuah a nih tur thu sawiin, Political Party leh mipuite thawhpuiah a sawm a. Pu Donny Lalruatsanga chuan Draft Roll- tlangzarh tak hi Political Party leh VLOs hnenah copy khat theuh (Soft copy leh Hard copy) a hlan nghal a ni.

Pu Collin Hlychho, Election Officer chuan Draft Roll- tlangzarh tak sawizauna a nei a. Draft Electoral Roll- tlangzarh taka vote nei awm dan chu hetiang hi a ni.

1. 1- Chawngte 'P' (1) Mipa - 592; Hmeichhia - 626; Total - 1,238

2. 18- Saikah 'L' (1) Mipa - 48; Hmeichhia - 62; Total - 110

3. 29- Saikhawthlir (1) Mipa - 57; Hmeichhia- 59; Total - 116

4. 33- Vaseikai (1) Mipa - 328; Hmeichhia- 328; Total - 646

5. 41 - Ngengpuitlang (1) Mipa - 227; Hmeichhia - 229; Total - 456

6. 52- T. Dumzau (1R) Mipa - 102; Hmeichhia - 96; Total - 198

7. 60- Bolisora (1) Mipa - 303; Hmeichhia - 279; Total - 582

8. 61- Mautlang (3) Mipa - 129; Hmeichhia - 125; Total - 254

9. 65-Kawngkhua (1) Mipa - 65; Hmeichhia - 63; Total - 128

10. 96- Saibawh II ( 1) Mipa - 185; Hmeichhia - 183; Total - 368

Hming paih, belh leh siamthat ngai (Claims & Objections) hi 5th -15th October, 2026 chhung neih a ni ang a, Final Electoral Roll- hi 2nd November, 2026 a tlangzarh tura ruahman a ni.

Vawiin Village Council Draft Electoral Roll 2026 tlangzarh inkhawm hi Pu Collin Hlychho Election Officer chuan kaihruaiin Pu H. Zonunmawia PD (DRDO) chuan lawmthu sawiin hun a khar.

By - Election neihna tur khuaa Village Level Officers (VLOs) te pual hian ' Training' neih nghal a ni.