Industries Department hnuaia Bamboo Development Agency leh Electronics Test & Development Centre, Guwahati te tangkawpa huaihawt mau hmang industry te tana ISO:9000 chungchang zirhona - Awareness Programme on ISO:9000 (Quality Management System) & Bamboo Application chu vawiin nileng khan Horticulture Conference Hall ah neih a ni a, Bamboo Development Agency Chairman Pi Esther Lalruatkimi, Industries Department Secretary ni bawk chuan a hmanpui.
Khuallian Pi Esther Lalruatkimi chuan Mizorama mau hmanga industry dintu te chu bul tan chho chauh an la nih avanga harsatna hrang hrang an tawh mek te Department-in a hriatpui thu sawiin mau hmanga thilsiam chhuah ah thenawm state mai ni lova khawvel huapa inel a tul avanga theihtawp chhuaha tan lak a tul thu a sawifiah bawk. Industry tanga thilsiam chhuah te chu a tam tham a tul rual rualin quality tha siamchhuah a pawimawh avangin vawiin training pawh buatsaih a nih dan te a sawifiah bawk. Training hmang tura lo kalkhawm te chu an thil zir tur te hlawkpui tum theuhturina chah bawk. Mizorama mau hmanga industry din te hmasawn nan mahni-a te tak te te-a maldin ai chuan a huhova inhlawm khawm an thatpui zawk a rin thu leh Bamboo Board mumal tak neih a tangkai a beisei thu te a tarlang bawk.
ISO:9000 Training hawnna hi Industries Director Pu Biaktluanga’n a kaihruai a, NUTECH Bamboo Projects (P) Ltd., Mizoram Venus Bamboo Products (P) Ltd., Mizoram Chipping Cluster Association, CeeKe Bamboo & Wood Products (P) Ltd. leh Grace RTP Bamboo Industry (P) Ltd. aiawh ten an industry dinhmun leh hmalak dan te an sawi a, Ministry of Information Technology, Government of India hnuaia Electronics Test & Development Centre, Guwahati atanga lo kal mithiam Pu P.S.Chakravorty, Scientist ‘E’, Addl. Director-in ISO:9000 awmzia leh pawimawhna te a sawifiah bawk. Chawhnu lamah ISO:9000 (Quality Management System) chungchang zirhona neih chhunzawm a ni a, Bamboo Development Agency General Manager Pi R.Lalrodingi’n kaihruaiin Pu P.S.Chakravorty hian a zirtir dawn a ni.
Tun dinhmunah Mizoram Venus Bamboo Products (P) Ltd. leh NUTECH Bamboo Project (P) Ltd. te hmalakna ang mau hmanga construction material siamchhuahna hi north east state dangah a awm lova, harsatna hrang hrang su tlanga production an rawn neih chhohna leh market demand meet tura tan an lak chhohna te tarlan a nih rualin mau hmang industry te pawh infuihtharna neih a ni. Mau ngah tak statekannihna hi chhuang satliah mai lova, hlu zawka hralhchhuah a nih theih nan nasa lehzuala tang tur leh theihtawp chhuah hoturinkalkhawmte fuihna pek an ni. Mau hmanga thilsiam tam berahChinacompete a tul avangin ISO:9000 (Quality Management System) programme pawh hi quality tha zawk an siamchhuah theih nana buatsaih a ni.
BDA leh UNIDO tangkawpin Bamboo Handicraft hmasawnna atana hmalakna pawh beiseiawm takin a thang chho mek a, UNIDO tanpuina-in Common Facility Centre, Bamboo Handicraft te hman tur khawl chi hrang hrang pawhin Aizawl a lo thleng tawh a, hman theih tura peihfel thuai tum a ni. He Awareness Programme ah hian artisan thlanchhuahte leh State Awardee bamboo kaihhnawiha mite an tel bawk a ni.
